Real Madrid yozgi inqilobi: kelganlar va ketadiganlar
Jose Mourinho qo‘l ostidagi Real Madrid yozgi bozorni shunchaki ochmadi – uni portlatdi. Klub allaqon Bernardo Silva, Marc Cucurella, Denzel Dumfries va Ibrahima Konaté bilan kelishib bo‘ldi. Tarkib chizig‘i bo‘ylab kuchayish aniq sezilyapti, va bu hali yakun emas.
Rahbariyat Yan Diomandé transferini yakunlash arafasida, ichkarida esa Rodri kelishi yozgi qayta qurishdagi so‘nggi yirik bo‘lak sifatida ko‘rilmoqda. Reja shafqatsiz darajada aniq: Mourinho o‘rtacha yangilashni emas, butunlay qayta formatlashni tanladi.
Ammo bitta muammo bor. Yangi kelganlar uchun joy ochilmasa, bu rejalar qog‘ozda qoladi. Klub ichida endi eng og‘ir bosqich boshlanmoqda: kim ketadi?
Raul Asencio – birinchi qurbon
Bir qarashda javob ko‘rinib turibdi. Raul Asencio hozircha ketishga eng yaqin nomzod sifatida tilga olinmoqda.
Yoz bo‘yi u o‘zini ko‘rsatish uchun ishladi, mashg‘ulotlarda ham, tayyorgarlik davrida ham. Maqsad bitta edi: Mourinho nazarida jiddiy variantga aylanish. Lekin murabbiy boshqa yo‘lni tanladi.
Mourinho uchun markaziy himoya hali ham qayta qurilishi kerak bo‘lgan zona. U yangi markaziy himoyachi olishni ustuvor deb biladi va butun himoya chizig‘ini shu qarorga moslashtirmoqchi. Bunday sharoitda Asencio tabiiy ravishda chetga surilmoqda.
Klub uning bo‘yicha bir nechta variantlarni ko‘rib chiqyapti: to‘liq transfer, ijaraga ketish yoki boshqa turdagi yechimlar. Bitta narsa aniq – hozircha u Mourinho rejalariga kirmayapti.
Camavinga – pul va loyihaning to‘qnashuvi
Eng nozik nuqta esa yarim himoyada. Eduardo Camavinga atrofida vaziyat tobora keskinlashmoqda.
Fransiyalik futbolchiga ayniqsa Premier League klublaridan qiziqish kuchli. Real Madrid ichida ham bir fikr bor: katta transfer to‘lovi Mourinho uchun zarur bo‘lgan tayanch yarim himoyachini olib kelishni ancha yengillashtirishi mumkin.
Biroq bu yerda devor bor. Camavinga 2029 yilgacha shartnoma ostida va u ketishni osonlashtirish niyatida emas. Klub ham bu yoshda va bu salohiyatga ega futbolchini bozor qiymatidan pastga sotishni istamaydi.
Natijada murakkab tenglama paydo bo‘lgan: sport loyihasi uchun zarur bo‘lgan yangi tayanch yarim himoyachi, moliyaviy jihatdan jozibador takliflar va Camavinganing o‘zi ketishni istamasligi. Hozircha bu uchlikdan hech biri yon bermayapti.
Endrick – raqobat girdobida qolgan iste’dod
Hujum chizig‘ida esa boshqa turdagi bosh og‘riq. Mourinho Gonzalo Garcia’ni tarkibda qoldirishga qaror qildi. Bu qaror bir zumda Endrick kelajagini so‘roq ostiga qo‘ydi.
Yosh braziliyalik uchun eng muhim narsa – maydonga tushish, o‘yin amaliyoti, ritm. Ammo Real Madrid hujumida raqobat shunchalik kuchli-ki, u asosiy rolda bo‘lishiga kafolat yo‘q.
Agar mavsumoldi davrida vaziyat o‘zgarmasa, klub ichida yana bir ijaraga jo‘natish tobora real variantga aylanmoqda. Gap shundaki, Madrid zaxirasida o‘tirib qolgan iste’doddan ko‘ra, boshqa klubda haftama-hafta o‘ynayotgan Endrick ko‘proq foyda keltiradi.
Franco Mastantuono – Bernabéu uchun tayyorlanayotgan loyiha
Yana bir yosh hujumkor futbolchi – Franco Mastantuono. U pre-season davomida Mourinho’ni hayratda qoldirishga ulgurdi.
Klub ichida unga bo‘lgan ishonch katta: Santiago Bernabéu tribunalarini yillar davomida hayajonga soladigan futbolchiga aylanishi mumkin, degan qarash bor. Lekin bu orzu bilan hozirgi real ehtiyojlar to‘qnashyapti.
Mastantuono uchun ham asosiy savol bitta: bu mavsumda u qanchalik ko‘p o‘ynaydi? Agar Madridda unga yetarli daqiqa topilmasa, uni muntazam o‘yin amaliyoti bo‘lgan klubga ijaraga berish g‘oyasi jiddiy ko‘rib chiqilmoqda.
Real Madrid yozgi bozorni yorqin boshladi. Endi esa ishning eng nozik, eng kam ko‘rinadigan, lekin eng og‘ir qismi kelyapti – kimlar bu yangi loyihaning bir qismi bo‘ladi, kimlar esa Bernabéu’ni tark etadi?
