James Trafford Leeds United'ga o‘tishi: imkoniyat yoki xato?
Ikkinchi yozda ham bir xil ssenariy: James Trafford yana bir bor Newcastle United’ni rad etyapti va yo‘lini Leeds United tomonga burmoqda. Endi navbat Leeds rahbariyatiga – ular oldidagi imkoniyatni tan oladilarmi yoki yo‘qmi, masala shunda.
Hozir Leeds va Manchester City o‘rtasida muzokaralar ketmoqda. Gap – narxda. City yosh ingliz darvozaboni uchun qancha so‘rashi, Leeds esa bu summani qanchalik tez qabul qilishida.
Bu yerda Leeds uchun asosiy savol: qancha emas, nima evaziga. Trafford – bu shunchaki navbatdagi transfer emas. U – bir necha mavsumga yetadigan birinchi raqamli darvozabon bo‘lib qolish imkoniyati.
Agar bu ssenariy ishlamay qolsa ham, ehtimoliy yakun bir xil: 23 yoshli posbon uchun to‘langan puldan kattaroq foyda bilan chiqish. Bozorda uning yoshi, pasporti va potentsiali bilan darvozabonlar kam.
Leeds uchun bu transfer – ikki zarbada muammo va imkoniyatni almashtirishga teng. Klubning eng katta og‘riqli nuqtasi bo‘lgan darvoza chizig‘ini birdaniga eng katta kuchli tomonlaridan biriga aylantirish imkoniyati.
Trafford aslida Leeds niyatining lakmus qog‘ozi. Ikki mavsumdan beri ishonchli darvozabonsiz “idare qilib kelayotgan” jamoa endi qaror qilishi kerak: darvozani haqiqatan ham yopmoqchimi yoki yana vaqtni o‘tkazmoqchimi. Agar hozir ham jiddiy sarmoya qilishmasa, bu klubning ambitsiyasi haqida hamma gapni aytib turadi.
O‘tgan yozdayoq darvozabon birinchi navbatdagi vazifa bo‘lib qolgan edi. Illan Meslier oxir-oqibat Daniel Farke sabrini tugatdi. Championshipdagi ko‘tarilish mavsumida Karl Darlow kelib, yakuniy “sprint”da jamoani manzilga yetkazishga yordam berdi.
Keyin Lyon’dan Lucas Perri 13,9 million funt evaziga olib kelindi. Braziliyalik esa amalda bir qadam ham oldinga siljish bo‘lmadi. Yana Darlow sahnaga qaytdi – faqat yozgacha chiday turish, keyin esa yana urinib ko‘rish uchun.
Endi esa Darlow “sug‘urtasi” yo‘q. Leeds qo‘lida faqat Perri va keskin qaror talab qiladigan noxush vaziyat qoldi.
Xabarlar Manchester City Trafford uchun 40 million funtgacha talab qilayotgani haqida. Bu uni tarixdagi eng qimmat besh darvozabon ro‘yxatiga olib kirishi mumkin.
Leeds bu raqamga tikilib qolmasligi kerak. Hamma joyda darvozabonga katta pul sarflashdan cho‘chishadi. Biroq bugungi bozorda eng qimmat beshinchi darvozabon hatto bu yozdagi eng qimmat yigirma transfer ichiga ham kirmaydi. Paradoks shunda.
Bu ikkilanma, ehtimol, jamoaning yomon bo‘lmagan alternativasi bo‘lganda tushunarli bo‘lardi. Leedsda esa bunday tanlov yo‘q. Ular baribir pul sarflashlari shart. Endi savol: ishni arzon yo‘l bilan “yopish”mi, yoki uni to‘g‘ri va uzoq muddatga hal qilishmi?
Albatta, Trafford bo‘yicha hech qanday kafolat yo‘q. Hech bir transferda bunday narsa bo‘lmagan, darvozabonlarda esa xatar darajasi kam emas. Eng qimmat uch darvozabondan ikkitasi – Kepa va Andre Onana – muvaffaqiyatsiz loyiha bo‘lib chiqdi. Ammo bu faqat ularning emas, Chelsea va Man Utd qarorlarining ham mag‘lubiyati edi.
Alisson misoli esa Liverpool uchun qanchalik to‘g‘ri zarba bo‘lganini ko‘rsatib turibdi.
Ma’lumotlar, analitika, skauting – bular transferdagi ko‘p narsani aniqlashtiradi, lekin baribir oxirida qaror – bu o‘ylangan tavakkal. Leeds Trafford haqida uning fe’l-atvori va hozirgacha bo‘lgan karerasidan biladigan narsalari asosida qaror qilmoqda. Shu nuqtai nazardan u – bozorga chiqqan eng yaxshi investitsiya.
Leeds uchun qulay jihat: ular Traffordga eng kerakli narsa – kafolat bera oladi. Bu esa o‘z navbatida Trafford uchun Leedsni eng maqbul variantga aylantiradi.
Tashqaridan qaralganda, Newcastle’dan voz kechib, Leedsni tanlash – baland bayonotdek ko‘rinadi. “Magpies” uchun esa yana bir alamli zarba. Lekin Trafford uchun bu yozda vaziyat faqat “qora-oq” tusda emas.
U Newcastle’ga qarasa – raqobatni ko‘radi. Leeds tomonga qarasa – aniq maqomni.
Bir yil avval u Newcastle o‘rniga City’ni tanlagandi, o‘sha payt o‘zini birinchi raqam deb o‘ylagan. Oradan ko‘p o‘tmay, dunyoning eng yaxshi darvozabonlaridan biri Etihad eshigidan kirib keldi va Trafford chetga surildi. Shunday tajribadan keyin St James’ Park’ga xavotir bilan qarashini tushunish qiyin emas.
O‘tgan mavsum Aaron Ramsdale ham Nick Pope bilan raqobat qilish uchun Newcastle’ga bordi. Natijada esa ikkalasi ham yutqazdi: bir-ikki xatodan keyin zaxira xavfi, doimiy bosim, Eddie Howe uchun esa barqaror birinchi raqam yo‘qligi.
Ikki birinchi raqamli darvozabon bilan ishlash – amalda ishlamaydigan model. Trafford buni Angliya terma jamoasidagi jamoadoshi Dean Henderson misolida ham ko‘rgan. U 2020/21 mavsumida David De Gea bilan kurashda “yutqazgan g‘olib” bo‘lib qolgandi – hech kim to‘liq g‘alaba qozonmadi, lekin Hendersonning karerasi sekinlashdi.
Pope hanuz Newcastle darvozasida va o‘z o‘rnini berib qo‘yishga tayyor emas. Yangi kelgan Ewen Jaouen esa shunchaki mashg‘ulotlarda turish uchun St James’ Park’ga ko‘chib kelmagan.
Trafford bir mavsum adolatsiz raqobatda yonib bo‘ldi. Endi Newcastle’da hatto favorit sifatida boradigan bo‘lsa ham, yana shunday jangga kirishish unga kerak emas.
Leeds unga aniq maqom va tinchlik bera oladi. Bu – potentsialini to‘liq ochish uchun zarur muhit. Shu bilan birga Jordan Pickford bilan Angliya darvozasiga haqiqiy da’vogar bo‘lish uchun sahna. O‘tgan mavsumdan keyin unga Farke ishonchi kerak, navbatdagi “yuzma-yuz duel” emas.
Trafford uchun motivatsiya ravshan. Leeds uchun ham. Endi savol bitta: ular bu imkoniyatni qo‘lga oladimi yoki yana bir mavsumni “agar” va “balki”larga almashadimi?
